पोखरामा खाजाघरमा यौनधन्दा सञ्चालन गरेको आरोपमा एक जना पक्राउ
पोखरामा खाजाघरमा यौनधन्दा सञ्चालन गरेको आरोपमा एक जना पक्राउ
पार्वती काराखेती
पोखरा, २२ साउन/ खाजाघर खोलेर त्यहीबाट यौनधन्दा चलाएको आरोपमा कास्की प्रहरीले एक महिला पक्राउ गरेको छ ।
पोखराको सिर्जनाचोकमा खाजापसल चलाउँदै आएकी एक महिलाले ३ बालिका र १ जना महिलालाई कामदारको रुपमा राखेर यौनकार्यमा लगाउँदै आएको कास्की प्रहरी प्रवक्ता श्रवण विकले जानकारी दिए ।
प्रहरीले खाजाघर सञ्चालक गोरखाको पालुङटार स्थायी घर भएकी ६० वर्षे पार्वती काराखेतीलाई पक्राउ गरी अनुसन्धान थालेको छ ।
मानव वेचबिखन तथा ओसार पसार सम्बन्धी कसुरमा जिल्ला अदालतबाट ५ दिन म्याद थप गरे थप अनुसन्धान भईरहेको डिएसपी विकले जानकारी दिए । शुभ अवसर ग्राम संस्थाको सहयोगमा वडा प्रहरी कार्यालय बैदामको ३ जनाको उद्धार गरेको थियो ।
काराखेतीले बालिका र महिलालाई वेटरको राम्रो काम लगाइदिन्छु भनी लोभ देखाएर बोलाइ यौनजन्य क्रियाकलापमा लगाउने गरेको पाइएको उनले बताए ।
