Nepali News (नेपाली)

लेखनाथ पत्रकारिता पुरस्कार बराललाई

लेखनाथ, ९ पुस । लेखनाथ पत्रकार मञ्चद्वारा स्थापित लेखनाथ पत्रकारिता पुरस्कारबाट यस वर्ष समाधान राष्ट्रिय दैनिकका लेखनाथ सम्वाददाता भीमपाणि बराललाई सम्मान गरिने भएको छ ।

समाचार सम्प्रेषणका माध्यमबाट समग्र लेखनाथ क्षेत्रको उन्नयनमा योगदान पु¥याएका सञ्चारकर्मीबाट प्रत्येक वर्ष एक जनालाई ११ हजार १११ रुपैयाँ नगद र सम्मानपत्रबाट सम्मान गरिदै आएकोमा यस वर्ष बराललाई उक्त पुरस्कार प्रदान गर्न लागिएको  हो ।

मञ्चका अध्यक्ष कविराज खनाल, सचिव विष्णुहरि पौडेल,लेखनाथ उद्योग वाण्ज्यि संघका  अध्यक्ष छत्रधर आत्रेय, पोखरा महानगरपालिकाका प्रतिनिधि राममणि अधिकारी, पुर्व पुरस्कृत ब्यक्तिहरु मध्येबाट रामप्रसाद तिमिल्सेना रहेको छनौट समितिले यस वर्ष बराललाई उक्त पुरस्कारका लागि छनौट गरेको हो ।

वि सं २०३२ साल असारमा पिता लक्ष्मीभक्त बराल र माता अम्बिका वरालको कोखवाट छ दाजुभाईमा ठुलो कान्छाको रुपमा जन्मिएका बराल स्नातक तहसम्मको अध्यान पूरा गरी वि सं २०५५ सालमा पोखरा हटलाईन बाट पत्रकारिताा सुरु गरी आदर्श समाज दैनिक हुदै हाल समाधान राष्ट्रिय दैनिकको लेखनाथ सम्वाददाताको रुपमा कार्यरत छन् । पत्रकारिताको शिलशिलामा रेडियो वाराही,माछापुच्छ«े् एफ एम र रेडियो अन्नपूर्णमा समेत कामको अनुभव सँगालेका उनलाई राष्ट्रिय समाचार समितिमा समेत आवद्ध हुने अवसर समेत प्राप्त भएको थियो ।

काममा लगनशीलता,इमान्दारिता र निरन्तरातालाई मध्यनजर राख्दै अगाडि वढेकासकरात्मक सोचका धनी बराल लेखनाथ पत्रकार मञ्चका संस्थापक अध्यक्षको जिम्मेवारी बहन गरिसकेका छन् ।

२०५५सालदेखि निरन्तर रुपमा कार्यरत उनले लेखनाथका विकास निर्माण, यहाँका साहित्यिक पर्यटनका विविध पक्षलाई चिनाउदै लेखनाथ क्षेत्रका समाचार सम्प्रेषण गरिरहेका छन् ।

विभिन्न सामाजिक संघ सस्था आवद्ध हँुदै नेपाल पत्रकार महासंघ कास्कीको पुर्व कार्यसमितिको सदस्य र राष्ट्रिय पार्षद समेतको जिम्मेवारी वहन गरिसकेका बराल पत्रकार महासंघ कास्कीले प्रदान गर्ने गजेन्द्र भण्डारी सृजनशील पत्रकारिता पुरस्कारबाट सम्मानित  भैसकेका छन् ।

वि सं २०७३ साल देखि निरन्तर रुपमा ११ हजार एक सय ११ रुपैया राशीको यो पुरस्कार यस अघि मेघराज आचार्य, रामप्रसाद तिमिल्सेना, बसन्तराज अधिकारी , वासुदेव पौडेल र परशुराम शर्माले प्राप्त गरिसकेका छन् ।

यस वर्षको लेखनाथ पत्रकारिता पुरस्कार  पुस १५ गते कवि शिरोमणि लेखनाथ पौडेलको जन्मजयन्तीको मुल समारोह अर्घौ अर्चलेमा प्रदान गर्ने कार्यक्रम रहेको छ ।

Related Articles

Back to top button

Adblock Detected

Please consider supporting us by disabling your ad blocker